توێژینەوەیەك ئه‌و خەسڵەتانەی پیشان داوە كە خانمان خوازیارن لە هاوسەری ژیانیاندا هەبێت.
xozga
چوارشه‌ممه‌-12-ئایار(مانگی 5)-2010

توێژینەوەیەكی زانستی كە ماوەی 13 مانگ كاری لەسەر كراوە، ئەو مەرج و سیفەت و خەسڵەتانەی پیشان داوە كە خانمان خوازیارن لە هاوسەری ژیانیاندا هەبێت.
بەپێی توێژینەوەیەكی زانستی كە 64 قوتابی و 12 مامۆستای زانكۆی (ڕاشد) لە دوبەی بە هاوكاری زانكۆی ئەمستەردامی هۆڵەندی پێی هەڵساون و نزیكەی 13 مانگ كاری لەسەر كراوە. هەروەها ڕاوبۆچوونی زیاتر لە 1200 ئافرەت وەرگیراوە.
بەپێی توێژینەوەكە دەركەوتووە كە ئافرەتان بەگشتی حەزیان لەو جۆرە پیاوانەیە كە ئەم سیفاتانەیان تێدا بێت:
1- سەخین و دەستنووقاو و ڕەزیل نین.
2- بەهەمان شێوەیش پێیان خۆشە هاوسەرەكانیان سۆزدار بن و نازهەڵگرن.
3- دڵپیس نین و ڕێگە نادەن غیرە و گوومان كەلێن بخاتە نێو ژیانی هاوسەرییەوە.
4- شارەزایی و ڕۆشنبیری سێكسی هەبێت .
5- قسەزان و زمانپاراو بێت.
6- كەچەڵ نەبێت.
7- ڕێكپۆش بێت و زەوقی هەڵبژاردنی جل و بەرگی خۆیی و هاوسەرەكەیی هەبێت.
8- زۆر خۆر نەبێت و، لە خواردندا بیانوگر و منەتباز نەبێت، واتە هەرشتێكی بۆ حازر كرا بیخوات و ڕەخنە و كەموكورتی لە خواردنەكان نەگرێت.
9- توندوتۆڵ و خاوەنمەوعید بێت و خەمسارد نەبێت.
10- سۆزدار و نەرم بێت لەگەڵ منداڵدا.
11- بۆنخۆش بێت و بایەخ بە پاكی جەستەیی و ددانەكانی بدات.
12- جگەرەكێش نەبێت.
13- حەزی زۆر لە تەماشاكردنی تەلەڤزیۆن نەبێت و زۆر حەزی لە شەو درەنگ مانەوە نەبێت.