خه‌مۆكی دایك  له‌ماوه‌ی‌ سكپڕيدا‌، له‌وانه‌یه‌ بێته‌ هۆی‌  شه‌ڕانگێزيی ‌منداڵ له‌كاتی‌ هه‌رزه‌كاریدا
كانی‌ هه‌ولێری‌
هه‌ینی-16-نیسان(مانگی 4)-2010
 به‌پێ ی‌ لێكۆڵینه‌وه‌یه‌كی‌ به‌ریتانی‌ " خه‌مۆكی سكپڕی‌" له‌ماوه‌ی‌ سكپڕی‌ دایك ، له‌وانه‌یه‌ بێته‌ هۆی‌ چه‌ند هێنده‌ بوونی‌ شه‌ڕانگێزی‌ منداڵ له‌كاتی‌ هه‌رزه‌كاریدا،له‌گه‌ڵ ئه‌وه‌ی‌ لێكۆڵینه‌وه‌كانی‌ پێشتر باسیان له‌ كاریگه‌ریه‌ كردووه‌ ، به‌لاَم له‌ لێكۆڵینه‌وه‌یه‌كی‌ تازه‌ی‌ زانكۆكانی‌ كاردیف وبریدستۆڵ و كینغ كۆلیدج له‌نده‌ن تاكه‌ لێكۆڵینه‌وه‌یه‌ له‌جۆره‌كه‌ی‌ خۆیدا كه‌باس له‌كاریگه‌ری‌ خه‌مۆكی‌ دایك له‌ماوه‌ سكپڕی بۆ سه‌ر منداڵ ده‌كات .
زۆرێك له‌دایكان له‌ماوه‌ی‌ پێش یا دوای‌ سكپڕی‌ توشی خه‌مۆكی‌ ده‌بن، به‌لاَم لێكۆڵینه‌وه‌كان ده‌ریان خستووه‌ كه‌ خه‌مۆكی‌ زیاتر له‌ماوه‌ سكپڕی‌ توشی‌ دایكان ده‌بێت له‌وه‌ی‌ كه‌ دوایی توشی ببێت ، ئه‌مه‌ش ڕێژه‌كه‌ی‌ له‌ نێوان 10_15 دایكان  تووشی‌ ده‌بن له‌و ماوه‌یه‌دا .
ئه‌و لێكۆڵینه‌وه‌  له‌ ماوه‌ی‌ گه‌شه‌ی‌ منداڵ  سازدراوه‌ كه‌ 120 دایكی‌ گرتۆته‌وه‌ ، له‌ ناوچه‌ی‌ "بریتسۆڵ" لێكۆڵه‌ره‌وان له‌ماوه‌ی‌ سكپڕی‌ و دوای‌ سكپڕی‌ پرسیاریان ئاڕاسته‌ی‌ دایكه‌كان كرد، وه‌ له‌و ماوه‌ی‌ ته‌مه‌نی‌ مناڵه‌كان له‌ چوار ساڵی‌ و 11 ساڵی‌ و 16 ساڵی‌ .
له‌ لێكۆڵینه‌وه‌كان ده‌ركه‌وت كه‌ ئه‌و دایكانه‌ی‌ كه‌ توشی خه‌مۆكی‌ بوونه‌ له‌ماوه‌ی‌ سكپڕی‌  ، ڕێژه‌ی‌  شه‌ڕانگێزی‌  منداڵه‌كانیان  چوار ئه‌وه‌نده‌ی‌ دایكانی‌ تره‌ ، كه‌ مناله‌كانیان  تا ده‌گه‌نه‌ 16 ساڵی‌ ، وه‌ ئه‌گه‌ری‌ ئه‌وه‌یان زیاتر لێده‌كرێ كه‌ جۆره‌كانی‌ ڕه‌فتاری‌ ناقبوڵكراو له‌ كۆمه‌ڵگا هه‌ڵگرن.
وهه‌ر له‌و لێكۆڵینه‌وه‌یه‌ ده‌ركه‌وت ئه‌و دایكانه‌ی‌ كه‌ له‌ ته‌مه‌نی‌ هه‌رزه‌كاریاندا له‌ باردۆخی‌ شپرزه‌ و ناهاوسه‌نگی‌ دابوونه‌ ، ئه‌گه‌ر توشبوونیان به‌ خه‌مۆكی‌ لێده‌كرێ‌.