ئازاری‌ سوڕی‌ مانگانه‌م زۆره‌، ئایا هۆكارو چاره‌سه‌ری‌ ئه‌وه‌چییه؟‌  
وه‌لاَمدانه‌وه‌ی‌ د. كوێستان
شه‌ممه‌-17-نیسان(مانگی 4)-2010

و/ ئازاری كچان له‌كاتی سووڕی مانگانه حاڵه‌تێكی ئاساییه و ڕێژه‌یه‌كی زۆر له‌كچان له‌ژێر ته‌مه‌نی ١٩ ساڵ به‌ره‌وژوور كه نزیكه‌ی ٪٩٠ ئه‌گرێته‌وه ، له‌كاتی سووڕی مانگانه هه‌ست به‌ئازار ئه‌كه‌ن ،
دوو جۆر ئازار هه‌یه
١/ ئه‌و ئازاره‌ی ماوه‌ی ساڵێك یان دووساڵ له‌دوای یه‌كه‌م سووڕی مانگانه رووئه‌دات .
٢/ ئه‌و ئازاره‌ی دوای باڵقبوون به‌چه‌ن ساڵێك ده‌ستپێئه‌كات .
ئازاری سووڕی مانگانه بریتییه له ته‌قه‌لوسات و هه‌ستكردن به‌ئازار پیش هاتنی خوێن یان له‌كاتی خوێنهاتن و تا كۆتایهاتنی سووڕی مانگانه ، له ژنێكه‌وه بۆ ژنێكی دیكه جیاوازه و له‌مانگێكه‌وه بۆ مانگێك چوون یه‌ك نیه له ژنێكدا .
هه‌ڵبه‌ت ئه‌و ئازاره له ٨ تاوه‌كو ٧٢ كاتژمێر به‌رده‌وامه لای ئه‌و كجانه‌ی تازه باڵقبوون ، هه‌ست به ئازار له به‌شی خواره‌وه‌ی ناوك و حه‌وز و  به‌شی خواره‌وه‌ی پشت ئه‌كه‌ن ، هه‌ستی ئازار له رانه‌كان ، سه‌رئێشه و هه‌ند ێجار سكچوون ، دڵتێكهاتن و كه‌مبونه‌وه‌ی ئاره‌زووی خواردن و هه‌ندێجار  ڕشانه‌وه .
هه‌ندێ ژن له‌ته‌منی سییه‌كان ئه‌و ئازاره‌یان ده‌ستپێئه‌كات ، هاتنه‌خواره‌وه‌ی خوێنێكی زۆر و پچڕپچڕ .
یان هه‌ستبه‌ئازاری حه‌وزو به‌شی خواره‌وه‌ی سك پێش سووڕی مانگانه و له‌كاتی ئاسایدا ، جگه له ئازاری مه‌مكه‌كان و ئاوسانی له‌س به‌گشتی ( الانتفاخ ) .
ئه‌و شتانه‌ی ئه‌بنه هۆی زیادبوونی ئازار :
١/ نائارامی باری ده‌روونی .
٢/ خواردنه‌وه‌ی جاو قاوه‌ی زۆر و جگه‌ره كێشان .
٣/ وه‌رزش نه‌كردن و جووڵه‌ی كه‌م ، جگه له‌ ناڕێكی خواردن به‌شێوه‌یه‌كی دروست .
٤/ گۆڕانكاری له هۆرمۆناتی ژندا وه‌ك ( زیادكردنی ئه‌سترۆجین و كه‌مبوونه‌وه‌ی بروجستیرون )
٥/ كیسكردنی هێلكه‌دان و بوونی ئیلتهابات و هه‌ڵاوسان له ڕه‌حمدا .
٦/ هۆكاری ویراپی .
چاره‌سه‌ر :
به‌كارهێنانی حه‌بی اسبرین بۆ كه‌مكردنه‌وه‌ی ئازار .. دووركه‌وتنه‌وه له قه‌له‌قی و خواردنه‌وه‌ی ئه‌و خۆراكانه‌ی كافایینی زۆره ، جگه له‌ڕۆیشتن و وه‌رزشكردن ، خوادنی  ئه‌و خۆراكانه‌ی كه ڤیتامیین  سی و ماده‌ی ئاسنیان زۆره . جگه له‌وه‌ی كوڵاندنی كه‌میك له گووڵه به‌یبوون له ئاودا و خواردنه‌وه‌ ی كوپێك تا ٣ كوپ له‌ڕۆژێكدا دوای نان خواردن  ئه‌بێته هۆی كه‌مكردنه‌وه‌ی ئازار .