من ژنم و ته‌مه‌نم 28  ساڵه‌ ، ئازام هه‌یه‌ له‌ كاتی‌ سێكسدا هۆكاره‌كه‌ی‌ چییه‌؟
د. كوێستان ئاسۆ وه‌لاَمی‌ ئه‌م پرسیاره‌ی‌ داوه‌ته‌وه‌
چوارشه‌ممه‌-07-نیسان(مانگی 4)-2010

 به‌نسبه‌ت ئازاری ئه‌ندامی زایه‌ندی له‌كاتی سێكسكردندا لای هه‌ریه‌ك له ژن و پیاو هۆكاری تایبه‌تی خۆی هه‌یه
ئازاری ئه‌ندامی زایه‌ندی ژن :
جۆری ئازاره‌كه جیاوازی هه‌یه هه‌ندێكجار له‌گه‌ڵ ده‌سپێكردندا ژن هه‌ست به ئازارێكی زۆر ئه‌كات ، هه‌ندێجار دوای ته‌واوبوون .
هۆی سه‌ره‌كی هه‌ستكردن به‌ئازار ئه‌م خاڵانه‌ن :
١- كه‌می ئیفرازاتی زێ ( الافرازات المهبلیه )  ،به هۆی نه‌بوونی ئاره‌زوی سێكسكردن یان ساردی سێكسی ، یان نه‌بوونی وروژاندن پیش سێكسكردن  كه ئه‌بێته هۆی ده‌ردانی ئیفرازات  و زێ ووشك نابێت .
٢- به‌كارهێنانی حه‌بی دژه سكپڕی ( موانع الحمل )  ئیفرازات كه‌ئه‌كاته‌وه .
٣- ئیلتهاباتی به‌كتیری ، نه‌خۆشییه‌كانی ڕه‌حم ، ئیلتهاباتی بۆری میزكردن ( المجاری البولیه ) ، نه‌خۆشی قه‌بزی دێژخایه‌ن .
٤- دروستكردنی حه‌ساسییه‌ت له ئاوی پیاو ) المنیه ) ئه‌م حاڵه‌ته زۆر كه‌مه ، هه‌ندێ ژن زێێ تووشی حه‌ساسییه‌ت ئه‌بێت به‌ئاوی پیاو كه ئه‌بێته هۆی سووربونه‌وه و هه‌وكردن له ناو دیواره‌كانی زێدا .
٥- ( Uterine fibroids (  بوونی ئه‌ورامی حه‌میده له‌ناو ڕه‌حمدا .
٦- كیسی سه‌ر هێلكه‌دان  ( ovarian Gyst (. ئازاری زۆره .
٧- هه‌وكردن و ئیلتهاباتی زێ ( الهیریزا التناسلی ) له‌م حاڵه‌ته‌دا ژن هه‌ست به ئازارێكی زۆر ئه‌كات .
٨- هۆكاری ده‌روونی : به هۆی ئازاردان و ده‌سترێژی سێكسی به‌تایبه‌ت له مناڵیدا ، ترس له‌سێكسكردن ، په‌شیمانی و نه‌بوونی متمانه .
٩-  ( سن الیاس )  هه‌ڵكشانی ته‌مه‌ن ئه‌بێته هۆی كه‌مبوونه‌وه‌ی ئیفرازاتی زێ و كه‌مبوونه‌وه‌ی ئاره‌زوی سێكسكردن .