به‌نسبه‌ت ده‌ستپه‌ڕكردن بۆ هه‌ردوو ڕه‌گه‌ز واته كوڕان و كچان وه‌ك یه‌ك وایه ، هه‌ڵبه‌ت هه‌موو كارێك یجابیات و سلبیاتی خۆی هه‌یه و زیاده‌ڕه‌وی تێیدا به‌خراپ ئه‌شكێته‌وه ،  به‌ڵێ كچان ئه‌توانن ده‌ستپه‌ڕ بكه‌ن له‌ڕێگه‌ی ووروژاندنی ئه‌ندامی زایه‌ندی مێینه‌ی خۆیانه‌وه به‌تایبه‌ت ئه‌و به‌شه هه‌ستیاره‌ی ئه‌كه‌وێته به‌شی سه‌رووی زێی كچه‌وه به ده‌ست  بۆ گه‌یشتن به چێژی سێكسی و به‌تاڵكردنه‌وه‌ی ئاره‌زووی سێكسی ، به‌كارهێنانی ئامێری وه‌ك ماسكارا یان قه‌ڵه‌م یان شتی دیكه له‌وانه‌یه هه‌ندێ جار ببێته هۆی برینداركردن یان دڕاندنی په‌رده‌ی كچێنی  ، ئه‌و په‌رده‌یه كه كجێنی و شه‌ره‌فی خێزانی پێوه به‌ستراوه ، ئه‌ویش ئاكامێكی باشی نابێت ، جگه‌له‌وه‌ی ده‌ستپه‌ڕ جیاوازییه‌كی زۆری هه‌یه له‌سێكسكردن له‌ڕێگه‌ی جوتبوونی راسته‌وخۆ .
زیانه‌كانی ده‌ستپه‌ڕ برینتین له ماندووبون ، په‌شیمانبوونه‌وه دوای گه‌یشتن به لووتكه‌ی چێژ ، ماندووبونی ماسولكه‌كانی له‌ش و گرژبوونی وێڕای ماندووبونی مێشك له‌كاتی ئه‌نجامدانی ئه‌و كاره‌دا ، كاریگه‌ری سلبی له‌سه‌ر باری ده‌روونی دروست ئه‌كات و دوای ته‌واوبوون هه‌ندێ كه‌س هه‌ست به خه‌مۆكی و سزای ویژدانی خۆیان ئه‌بن ئه‌ویش له‌ڕووی ته‌ندروستی ده‌روونه‌وه باش نییه ، وه‌ك زیانی جه‌سته‌ی و كاریگه‌ری خراپ زیانێكی ئه‌وتۆی نییه و ئه‌نجامدانی ئه‌بێته هۆی به‌تاڵكردنه‌وه‌ی ئه‌و كه‌بته ده‌روونی جه‌سته‌ییه‌ی كه وه‌ك هه‌موو غه‌ریزه‌فسێۆلۆجییه‌كان پێویستی به‌تێركردنه ، دووباره‌كردنه‌وه‌ی ئه‌بێته هۆی ئیدمان بوون ئه‌ویش كاریگه‌ری له‌سه‌ر لاوازبوون و ساردبوونه‌وه‌ی توانا سێكسییه‌كان دروست ئه‌كات دوای شووكردن 

.كوێستان ئاسۆ ـ ڕاوێژكاری‌ سایتی‌ خێزان و خوێندكاری‌ دكتۆرا له‌ به‌شی‌ ده‌روونناسی‌ وه‌لاَمی‌ ئه‌م پرسیاره‌ی‌ داوه‌ته‌وه‌