بگه‌ڕێره‌وه‌

ته‌نها چوار توێژه‌ری‌ كۆمه‌لاَیه‌تی‌ له‌ ساڵی‌ ڕابوردوودا دامه‌زراوه‌

دووشه‌ممه‌-15-ئازار(مانگی 3)-2010

مامۆستا جه‌عفه‌ر له‌تیف به‌ڕێوه‌به‌ری‌ په‌روه‌رده‌ی‌ سه‌یدسادق ئاماره‌كانی‌ په‌روه‌رده‌ی‌ ئاشكرا كرد و وتی‌: "(6) قوتابخانه‌ و (2) باخچه‌ی‌ ساوایان دروست كراوه‌ و (12) قوتابخانه‌ش نۆژه‌ن كراوه‌ته‌وه‌، (300) مامۆستا و (4) توێژه‌ری‌ كۆمه‌ڵایه‌تی‌ و (81) موجه‌ریس و (215)ی‌ په‌یمانگاش دامه‌زرێنراون، جگه‌ له‌ دامه‌زراندنی‌ ژماره‌یه‌ك كارمه‌ند له‌ناو به‌ڕێوه‌به‌رایه‌تی‌".
له‌باره‌ی‌ ژماره‌ی‌ قوتابیانیشه‌وه‌ وتی‌: "(22693) قوتابیه‌ كه‌ (12088)یان كوڕ و (10605)یان كچه‌، ژماره‌ی‌ پۆله‌كانیش به‌م شێوه‌یه‌یه‌، بنه‌ڕه‌تی‌ (693) پۆله‌ و ئاماده‌یی‌ به‌شی‌ ئه‌ده‌بی‌ (52) پۆل و زانستی‌ (50) پۆله‌، ژماره‌ی‌ مامۆستایان (1418)ه‌ كه‌(723) نێر و (695)مێن".