نه‌خۆشیه‌كانی میزاج زۆر بڵاون به‌ تایبه‌تی خه‌مۆكی گه‌وره‌ی یه‌كجه‌مسه‌ر كه‌ رێژه‌ی بڵاوبوونه‌وه‌ی له‌ وڵاته‌ یه‌كگرتووه‌كانی ئه‌مه‌ریكا، به‌ پێی ئامارێك كه‌ له‌ ساڵی 2005 كراوه‌، گه‌یشتۆته‌ 17%. له‌ زۆربه‌ی كۆمه‌ڵگاكان ئه‌م نه‌خۆشییه‌ش زیاتر له‌ نێوان ئافره‌تان باوه‌ به‌به‌راورد به‌ پیاوان، تا پیاوێك تووشی خه‌مۆكی گه‌وره‌ی یه‌كجه‌مسه‌ر ده‌بێت، دوو ئافره‌ت تووشی ده‌بن. به‌ڵام نه‌خۆشی دووجه‌مسه‌ر كه‌متر بڵاوه‌ وبه‌ پێی خه‌مڵاندنی DSM-IV رێژه‌ی بڵاوبوونه‌وه‌ی له‌ نێوان 0,4% و1.6% وجیاوازیه‌كی ئه‌وتۆ له‌ نێوان پیاوان وئافره‌تان به‌دی ناكرێت. هه‌رچه‌نده‌ نه‌خۆشیه‌كانی میزاجی یه‌كجه‌مسه‌ر زۆربه‌ی جاره‌كان له‌ كۆتایی قۆناغی هه‌رزه‌كاری تا ناوه‌ندی بالغبوون سه‌رهه‌ڵده‌ده‌ن، ده‌كرێ ئه‌م نه‌خۆشیانه‌ له‌ هه‌ر قۆناغێكی تری ژیان به‌دیاربكه‌وێت هه‌ر له‌ قۆناغی منداڵیدا تا قۆناغی پیری