ژنت هێناوه‌ به‌ڵام  كاڵه‌ك به‌ لا ڕانت ئه‌شكێنی.  و  هه‌میشه‌ خه‌یاڵی لای هاوڕێكانت ئه‌كه‌ی. ئه‌وانه‌ی لای عه‌مووده‌كه‌ پێكه‌وه‌ ئه‌وه‌ستان، ئه‌و هاوڕێیانه‌ی شه‌وان پێكه‌وه‌ تا دره‌نگ ده‌تریقانه‌وه‌  نوكته‌تان ئه‌كرد، ته‌علیقتان له‌م و له‌و ده‌دا. به‌ ئاره‌زووی خۆتان ده‌مانه‌وه‌.  شه‌وان دره‌نگ ده‌رگات ئه‌كرده‌وه‌ ئه‌چویته‌ ژووره‌وه‌ كه‌س نه‌بوو بڵێ‌ ئه‌رێ‌ له‌ كوێی؟! بۆچی دره‌نگ یه‌یته‌وه‌. له‌گه‌ڵ كێ دای. به‌ڵام ئێستا ژنت هێناوه‌، ژنه‌كه‌ت حه‌ز ئه‌كا شه‌وان زوو بچیته‌وه‌ بۆ لای. حه‌ز ئه‌كا هه‌ر نه‌چیته‌ ده‌ره‌وه‌،  حه‌ز ئه‌كا هاوڕێكانت  تۆی له‌بیرنه‌به‌نه‌وه‌. زوو زوو ته‌له‌فوت بۆ ئه‌كا. پێت ئه‌ڵێ‌: ئه‌وه‌ چیته‌؟!  له‌ كوێی؟ تۆیش ئه‌ڵێی  ئێستا دێمه‌وه‌. 

ئیتر وه‌ك جارات تۆ قسه‌ی قۆڕ ناكه‌ی. ژماره‌ی مۆبایلی هاوسه‌ره‌كه‌ت به‌  ئه‌مره‌كه‌ی قوربان خه‌زن كردووه‌.  وه‌ك جاران نابێت به‌ ته‌نیا دۆندرمه‌ بخۆیت و  فاك وفیك بكه‌ی. ئه‌مه‌ هه‌ر تا ماوه‌یه‌كه‌، باوه‌ڕكه‌ ڕادێی. دوو ساڵ دوای هاوسه‌رگیریی تاقه‌تی ئه‌مانه‌ت نامێنێ‌. ئه‌و هاوڕێیانه‌ی كه‌ خۆیان ژنیان نیه‌، به‌خیلی به‌ تۆ ئه‌به‌ن ئه‌ڵێن داماو چاك تووش بووی! توخوا ئه‌وه‌ حاڵه‌. تۆی تیای.